አላህ ﷻ
    face
  •   
  •  
በጣም ለጋሱ በጣም ቸሩ  አላህ . .

Icreasefontsize decreasefontsize
 الكل يُسبِّح بحمد الله ويقدسه سبحانه | حاجة العباد لله تعالى | شرف العلم بالله عز وجل | وفي كل شيء له آية

አላህ ﷻ

አላህን ይበልጥ የሚያውቅ አላህን ይበልጥ ይፈራዋል። አላህ ﷻ

አላህ ﷻ . . በብዛት የሚወደስና የሚመለክ አምላክ . .

ሰማያትና በውስጣቸው ያለው ሁሉ፤መሬቶችና ያሉባቸው ሁሉ እርሱን በማጥራት ያወድሱታል . .

ሌሊትና ከዋክብቱ፣ቀንና ብርሃኑ . . የብስና ባሕሩ . . ያጠሩታል፤ያወድሱታል፤ይቀድሱታልም።

አላህ ﷻ እንዲህ ብሏል፦ ‹‹ከነገርም ሁሉ ከማመስገን ጋር የሚያጠራው (የሚያወድሰው) እንጂ አንድም የለም፤ግን ማጥራታቸውን አታውቁትም፤እርሱ ታጋሽ መሓሪ ነው፡፡›› [አልእስራእ፡44]

‹‹አላህ›› ﷻ ከሚታወቁት ሁሉ ይበልጥ ታዋቂ ነውና ማስተዋወቅ አያሻውም . . ልቦች ያውቁታል፣ነፍሶችም እርሱን ለማወቅ ይፍረከረካሉ።

‹‹አላህ›› ﷻ ልቦች ያመልኩታል፤ነፍሶች ምሕረቱን ይጠባበቃሉ፤ፍጥረታት በርሱ ውዳሴ ይጽናናሉ፣ይረጋጋሉ።

አላህ ﷻ ሃማኖታዊ ግዴታ በሚጸናባቸው አገልጋዮቹ ልብ ውስጥ፣ወደርሱ በመጠጋት ብቻ እንጂ የማይሰበሰብ መበታተንና መባዘንን፣ እርሱ ብቻ እንጂ ሌላ ሊያብቃቃው የማይቻል ድህነትን አድርጓል።

‹አላህ›› ﷻ የሚለው ቃል በሁሉም መልካም ባሕርያት የሚገለጸው መለኮታዊ እርሱነት (ዛት) የሚጠራበት ስሙ ነው።

ለባሮቹ አላህ ﷻ አስፈላጊያቸው መሆኑ ፦

ባሪያው በችግርና መከራ ጊዜ የሚጠጋበትንና ከለላ የሚሰጠውን የሚፈልግ ሲሆን ይህ ተፈጥሯዊ ባሕርይው ነው። ለዚህ ነው ነገ የሚገናኘውና ከፊቱ የሚቆም በመሆኑ በሁሉም ሁኔታዎቹ ውዴታውን ለማግኘት የሚጥረውና ፈጣሪ ጌታው ሁሌም አስፈላጊው መሆኑን ከውስጡ የሚገነዘበው።

ከኢማን ውጭ ያለው ስንቅ ሁሉ አላቂ ነው፤ከአላህ በስተቀር ከሌላ የሚመጣ ድጋፍና እገዛ ሁሉ ወዳቂ ነው።

አገልጋዩ ለአላህ ﷻ ተናንሶ ግዴታዎቹን ሁሉ ከተወጣ፣የአላህ ቀጠሮ እውነት መሆኑን አረጋግጦ ከታገሰ፣ሰዎችን በጌታው ትእዛዝ ከሚመሩ መሪዎች አንዱና ሌሎች የሚከተሉት አርአያ እንዲሆን ያደርገዋል።

አላህ ﷻ እንዲህ ብሏል፦ ‹‹በታገሡና በታምራቶቻችን የሚያረጋግጡ በኾኑም ጊዜ፣ከነርሱ በትእዛዛችን የሚመሩ መሪዎችን አደረግን።›› [አልሰጅዳህ፡24]

ለዚህም ነው አላህ ﷻ ትዕግሥትንና እርግጠኝነትን (የቂንን)፣በሃይማኖቱ ውስጥ ግንባር ቀደም የመሪነት ቦታ ለመያዝ ምክንያት ያደረገው።

የፍጡራን በፈጣሪ አምላክ ላይ መንጠላጠልና እርሱን መማጸን አብሯቸው የተፈጠረ ሲሆን፣ደግ የዋለላቸውን፣ችሮታውን የዘረጋላቸውን አላህን ﷻ መውደድና ማፍቀር እንዲሁ ተፈጥሯዊ ባሕርያቸው ነው።

የዕውቀት ክቡርነት፦

እርሱን ማወቅ ቀላል አድርጎ የገራለት መሆኑ፣አላህ ﷻ ለባሪያው የዘረጋለት ጸጋና ቸርነት ነው።

የዕውቀትና የትምህርት ክቡርነት ከሚቀሰመው ዕውቀትና ከመረጃው ክቡርነት የሚመነጭ ነው። ከፈጣሪ ጌታ ﷻ የበለጠ ክቡር የሆነ፣ባሕርያቱን፣መልካም ስሞቹን፣ጥበቡንና በፍጡራኑ ላይለውን መብቱን ከማወቅ የበለጠ ክቡር ዕውቀትም የለም። ለዚህ ነው ተውሒድ የሃይማኖት አስኳል የሆነው። ከቅዱስ ቁርኣን አንድ ሦስተኛ የሚሆነው የአላህን አንድነትና ተውሒድን በግልጽ የሚያረጋግጥ ነው።

በሁሉም ነገር ውስጥ አንድነቱን የሚያመለክት ታምር አለ ፦

አላህ ﷻ በፍጥረታቱ ውስጥ ያሉትን ነገሮች ሁሉ ለሕልውናው፣ለተውሒዱ፣ለምሉእነቱ፣ ለግርማ ሞገሱና ለኃያልነቱ ማስረጃ አድርጓል። በተጨማሪም እነዚህን ማስረጃዎች እንድናስተውልና እንድናስተነትን ያዘዘ ሲሆን፣አርቀው ለሚያስተውሉና ለሚመራመሩ የአእምሮ ባለቤቶች ምልክቶች መሆናቸውንም ነግሮናል።

አስተዋዮችንና የአእምሮ ባለቤቶችን፣በራሱ የተብቃቃ በሆነው አንድ አምላክ አላህ ﷻ እንዲያምኑ ጥሪ የሚያደርጉ አንዳንድ አንቀጾችን ለመውሰድ የአላህን መጽሐፍ ቁርኣንን በጨረፍታ እንጎበኛለን። አላህ ﷻ እንዲህ ብሏል፦ ‹‹በምድርም ውስጥ፣ለሚያረጋግጡ ሰዎች ምልክቶች አልሉ፡፡ በነፍሶቻችሁም ውስጥ (ምልክቶች አልሉ)፤ታዲያ አትመለከቱምን?›› [አልዛሪያት፡20-21]

በተጨማሪም ﷻ እንዲህ ብሏል፦ ‹‹በሰማያትና በምድር ያለውን (ታምር) ተመልከቱ፣በላቸው፤›› [ዩኑስ፡101]

አላህ ﷻ እንዲህ ብሏል፦ ‹‹ጌታችሁ ያ ሰማያትንና ምድርን በስድስት ቀኖች ውስጥ የፈጠረ አላህ ነው፤ከዚያም ነገሩን ሁሉ የሚያስተናብር ሲኾን፣በዐርሹ ላይ ተደላደለ፤ከርሱ ፈቃድ በኋላ ቢኾን እንጂ አንድም አማላጅ የለም፤ይሃችሁ አላህ ጌታችሁ ነውና ተገዙት፤አትገሠጹምን? ሁላችሁም ኾናችሁ መመለሻችሁ ወደ እርሱ ነው፤(ይህም) የተረጋገጠ የአላህ ቃል ኪዳን ነው፤እርሱ መፍጠርን ይጀምራል፤ከዚያም እነዚያን ያመኑትንና መልካም የሠሩትን በትክክል ይመነዳ ዘንድ ይመልሰዋል፤እነዚያ የካዱትም፣ይክዱት በነበሩት ነገር ለነርሱ ከፈላ ውሃ የኾነ መጠጥና አሳማሚ ቅጣት አላቸው። እርሱ ያ ፀሐይን አንጸባራቂ፣ጨረቃንም አብሪ ያደረገ ነው፤የዓመታትን ቁጥርና ሒሳብን ታውቁ ዘንድም ለርሱ መስፈሪያዎችን የለካ ነው፤አላህ ይህንን በእውነት እንጂ (በከንቱ) አልፈጠረውም፤ለሚያውቁ ሕዝቦች አንቀጾችን ያብራራል፡፡ ሌሊትና ቀን በመተካካታቸው፣አላህም በሰማያትና በምድር ውስጥ በፈጠረው ሁሉ፣ለሚጠነቀቁ ሕዝቦች ምልክቶች አልሉ፡፡›› [ዩኑስ፡3-6]

አላህ ﷻ እንዲህ ብሏል፦‹‹ሰማያትንና ምድርን በመፍጠር፣ሌሊትና ቀንም በመተካካት፣ለባለ አእምሮዎች ምልክቶች አሉ። (እነርሱም) እነዚያ ቆመው፣ ተቀምጠውም፣በጎኖቻቸው ተጋድመውም፣አላህን የሚያወሱ፣በሰማያትና በምድር አፈጣጠርም የሚያስተነትኑ ፦ ጌታችን ሆይ! ይኸን በከንቱ አልፈጠርከውም፤ጥራት ይገባህ፤ከእሳትም ቅጣት ጠብቀን የሚሉ ናቸው።›› [ኣል ዒምራን:190-191]

በተጨማሪም አላህ ﷻ እንዲህ ብሏል፦ ‹‹እናንተንም በመፍጠር፣ከተንቀሳቃሽም (በምድር ላይ) የሚበትነውን ሁሉ (በመፍጠሩ)፣ለሚያረጋግጡ ሕዝቦች ታምራቶች አልሉ።›› [አል ጃሢያ፡4]

አላህ ﷻ እንዲህ ብሏል፦ ‹‹ለነርሱም በነርሱ የሚያውቁባቸው ልቦች፣ወይም በነርሱ የሚሰሙባቸው ጆሮዎች፣ይኖሩዋቸው ዘንድ፣በምድር ላይ አይሄዱምን?›› [አል ሐጅ፡46]

በተጨማሪም አላህ ﷻ እንዲህ ብሏል፦ ‹‹ወደ ሰማይም፣ከበላያቸው ስትኾን ለርሷ ምንም ቀዳዳዎች የሌሏት ኾና እንዴት እንደ ገነባናትና (በከዋክብት) እንዳጌጥናት አልተመለከቱምን?›› [ቃፍ፡6]

አላህ ﷻ እንዲህ ብሏል፦ ‹‹የዚያን ነገሩን ሁሉ ያጠነከረውን የአላህን ጥበብ (ተመልከት)፤›› [አል ነምል፡88]

አላህ ﷻ እንዲህ ብሏል፦ ‹‹በዚህ ውስጥ ለአእምሮ ባለቤቶች በእርግጥ ታምራት አለበት።›› [ጣሃ፡54]

   
Subscibe