የፍጹምነት (እኽላስ) ትርጉም
    face
  •   
  •  
ይቅር ባይ ምሕረተ ብዙው፣አብዝቶ የሚምር አላህ . .

Icreasefontsize decreasefontsize

የፍጹምነት (እኽላስ) ትርጉም

አላህን ያወቀው ይወደዋል፤ያመልከዋል፤አምልኮቱንም ለርሱ ብቻ ፍጹም ያደርጋል።

ፍጹምነት የፍጹሞች (የሙኽሊሶች) ጀነትና አላህን የሚፈሩ ትጉሃን አገልጋዮቹ መንፈስ፣በፈጣሪና በባሪያው መካከል የሚገኝ ምስጢር ነው። መመጻደቅንና ልታይባይነትን ገቺ ነው። የሚሠራውን ሥራ አላህን ብቻ በማሰብና ለርሱ ብቻ ብሎ መሥራት ነው። ልብ ውስጥ ከአላህ በስተቀር ሌላ የሚታሰብ ነገር አለመኖር ነው። በሚሠራው ሥራ ከሰዎች ምንም ምስጋናም ሆነ ውዳሴ አለመጠበቅ ነው። የሥራን ዋጋ ከአላህ ﷻ ብቻ እንጂ ከማንም አለመጠበቅ ነው።

አዩብ አስሰኽትያኒ ሌሊቱን ሙሉ በዕባዳ ያሳልፉ ነበር፤ሲነጋ ገና አሁን እንደ ነቁ ለማስመሰል ድምጻቸውን ከፍ ያደርጉ ነበር።

እኽላስ የሥራ ምልአትና ውበት ነው። በዱንያ ላይ በጣም ውዱ ነገር ነው። እኽላስ አላህን ﷻ ብቻ የዕባዳ ዓላማና ግብ በማድረግ ዘውትር የርሱን ተቆጣጣሪነት እያሰቡ ፍጡራንን መርሳት ነው። ለርሱ ብቻ ተብሎ ለተሠራው ሥራ ቸሩ አላህ ﷻ ተገቢውን ምንዳ የሚሰጥ ሲሆን ለሌላው ተብሎ የተሠራው ግን ከንቱ ልፋት ሆኖ ይቀራል። ነቢዩﷺ እንዲህ ብለዋል፦ ‹‹ሥራዎች (የሚለኩት ከጀርባቸው ባለው ቁርጠኛ) ውሳኔ ነው፤እያንዳንዱ ሰውም በንይ"ያው መሰረት ነው የሚያገኘው፡፡ ስደቱ ወደሚያገኘው ዓለማዊ ጥቅም ወይም ወደሚያገባት ሴት የሆነ ሰው፣ስደቱ ለተሰደደበት ዓላማ ነው።›› (በቡኻሪ የተዘገበ)

   
Subscibe